Координативен состанок по повод Светскиот ден на ветеринарната професија

По повод Светскиот ден на ветеринарната професија, кој оваа година се одбележува на 25.04.2026 година под мотото: „Ветеринарите: чувари на храната и здравјето“, Ветеринарната комора на Република Северна Македонија организира координативен состанок на кој ќе се разгледаат актуелните состојби и предизвици со кои се соочува ветеринарната професија во државата.

Одбележувањето на овој значаен ден претставува можност уште еднаш јасно и аргументирано да се истакне улогата на ветеринарната професија како клучен столб во заштитата на здравјето на животните, безбедноста на храната и јавното здравје, како и да се испрати силна и обединета порака за неопходноста од суштински промени.