Евиденција на бодови од КСУ

Докторот по ветеринарна медицина за продолжување на својата лиценца за работа, треба да се стекне со минимум 100 бодови од посета на различни облици на континуирано стручно усовршување во период од пет години.

Бодовите стекнати од он-лајн едукативни настани, од 01.01.2024 година се ограничуваат на максимум 15 бодови во лиценцниот период.

Докторот по ветеринарна медицина води евиденциона картица за учество на КСУ во текот на лиценцниот период.

Докторите по ветеринарна медицина се должни при поднесување на барањето за продолжување на лиценцата за работа, до Стручно-административната служба на Ветеринарната комора на РСМ да поднесат пополнета евиденциона картица заедно со сертификатите од континуирана едукација (копија и оригинал на увид).

За сертификати за учество на континуирана едукација од настани кои не биле акредитирани од Ветеринарната комора на РСМ, докторите по ветеринарна медицина може да поднесат барање за категоризација и вреднување на облик на стручно усовршување до Стручниот одбор, најдоцна до крајот на месец февруари во тековната година, за посетени настани од претходната година.