Лиценци за работа

Ветеринарна дејност во Република Северна Македонија може да  врши доктор по ветеринарна медицина со лиценца за работа издадена од Ветеринарната комора на Република Северна Македонија.

Лиценцата за вршење на ветеринарната дејност е јавна исправа и се издава во форма на потврда и легитимација.

Начинот на издавање, продолжување и одземање на лиценца за работа е уредено со Правилник за начинот на издавање, продолжување и одземање на лиценца за работа.

ИЗДАВАЊЕ НА ЛИЦЕНЦА ЗА РАБОТА

Ветеринарна Комора на Република Северна Македонија ја издава лиценцата за работа врз основа на писмено барање за издавање на лиценца за работа поднесено од докторот по ветеринарна медицина.

Во прилог на барањето за издавање на лиценца за работа докторот по ветеринарна  медицина доставува и:

• диплома (копија заверена на нотар);
• потврда за приправнички стаж и прилог: контролен лист за есенцијални компетенции кои стажантот треба да ги совлада после завршување на стажот издадени од ментор;
• потврда за членство во Комората (да има поднесено пријава за упис во регистар и уплата за членарина за тековната година);
• доказ за уплата за издавање на лиценца за работа;
• мала фотографија со димензии 45x35 мм.

Висината на надоместокот за издавање на лиценца за работа ја утврдува Собранието на Ветеринарната комора на Република Северна Македонија со одобрение на директорот на Агенцијата за храна и ветеринарство и изнесува 6000 денари.

Пример за уплата за издавање на лиценца за работа

ПРОДОЛЖУВАЊЕ НА ЛИЦЕНЦА ЗА РАБОТА

Продолжувањето на лиценцата за работа се врши пред истекот на периодот на важноста на лиценцата за работа.

Докторот по ветеринарна  медицина поднесува барање за продолжување на лиценцата за работа 90 дена пред денот на истекот на рокот на важноста на лиценцата за работа до Комората .

Во прилог на барањето за продолжување на лиценца за работа, докторот по ветеринарна медицина доставува:

• докази дека во периодот на важноста на лиценцата за работа се стекнал со минимум 100 бодови добиени со континуирана едукација, согласно критериумите пропишани со Правилникот за облиците на континунирано стручно усовршување од Комората;
• Пополнета евиденциона картица за учество на КСУ;
• Потврда дека не е изречена забрана за вршење на професија, дејност или должност издадена од Централен регистар на РСМ;
• Доказ за уплата за продолжување на лиценца за работа во износ од 6000 денари и  членарина за тековната година.

Пример за уплата за продолжување на лиценца за работа

ОДЗЕМАЊЕ НА ЛИЦЕНЦА ЗА РАБОТА

Судот на честа на Комората може на докторот по ветеринарна медицина привремено да му ја одземе лиценцата за работа, но не подолго од 6 месеци ако во постапка е утврдена и докажана повреда на Статутот, Кодексот на професионалните етички должности и права и другите правила.

Во најтешките случаеви на кршење на Статутот, Кодексот и другите правила заедно со докажани кривични дела, Судот на честа може да му ја одземе лиценцата за работа на подолг временски рок, или трајно.