ОДРЖАНА ПАНЕЛ ДИСКУСИЈА “’АНГАЖМАНОТ НА ЛОКАЛНАТА ЗАЕДНИЦА ВО УПРАВУВАЊЕ СО ПОПУЛАЦИЈАТА НА БЕЗДОМНИ КУЧИЊА"

Аташето при сојузното Министерство на Република Австрија за социјала, грижа, здравство и заштита на потрошувачи во соработка со Ветернинарната комора и Агенцијата за храна и ветеринарство, на 29 Ноември 2024 година во „Клуб на пратеници“– Скопје организираше панел дискусија под наслов „Ангажманот на локалната заедница во управување со популацијата на бездомните кучиња“.

Овој настан беше организиран по иницијатива на Ветеринарната комора, а со цел воспоставување на нов принцип на решавање на проблемот со бездомната популација на кучиња и преставува почеток на идните активности кои комората ќе ги реализира согласно „Стратегијата за справување со популацијата на кучиња“.

Настанот го поздрави Директорот на АХВ Г-дин Оливер Миланов, Конзулот на Австрија во Република Македонија Г-ѓа Барбара Грубер и Претседателот на Ветеринарната комора Д-р Жарко Михајлоски, а панел дискусијата ја модерираше Проф.Д-р Влатко Илиески.

На панел дискусијата учествуваа искусни експерти и стручни лица од Месерли институтот при Универзитетот за ветеринарна медицина од Виена Австрија, стручни лица од АХВ, доктори по ветеринарна медицина, членови на експертската група при Ветеринараната комора со искуство во третирање на кучињата скитници, претставници на невладини организации за заштита на животните, претставници на Јавното претпријатие за благосостојба на животни скитници Лајка од Скопје, кои презентираа релевантни теми и искуства во работата со третман на популацијата на кучиња.

Свое излагање имаа:

• Хервиг Грим од Месерли Институтот при Универзитет за ветеринарна медицина од Виена Австрија, на тема: Морален императив да се биде „одговорен сопственик на куче,
• Софија Вирањи од Месерли Инситутот од Универзитет за ветеринарна медицина од Виена, Австрија на тема: Евалуацијата на интервенциите за управување со популацијата на кучиња,
• Симон Хан (НВО-Vertreter, Gut Aiderbichl) Невладина организација од Австрија, на тема: Засолништа за кучиња на глобално ниво, примери за долгорочно засолниште,
• Стефан Јовчевски од Ветеринарна комора на РСМ и Димитар Терзиевски од Агенција за Храна и ветеринарство на тема: Улога и инволвирање на ветеринарната служба со нејзиниот полн капацитет,
• Милка Докузова, Хумани Градови Штип Претставник на НВО на тема: Подобрување на благосостојбата на бездомната популацијата на кучиња,
• Радмила Пешева ЈП Лајка, прифатилиште за бездомни кучиња на тема: Финансиски трошоци и ограничувања на капацитетите што ги користат локалната заедница и прифатилиштата.

Во исклучително конструктивна и искрена атмосфера беа истакнати сите досегашни искуства, позитивни и негативни моменти од процесот на управување со популацијата на кучиња во нашата држава, што отвори опсежна дискусија во давањето идеи и предлози кон изнаоѓање идни решенија на овој исклучително сложен општествен проблем.